Happy Birthday to Glamabox!!!
小妹差不多分享咗有一年既Glamabox，但今次分享嘅盒子同平日唔同，因為依一個係為左慶祝Glamabox 3歲嘅盒子，所以真係與眾不同D～
WoW！我最愛既花紋呀！（其實仲有條靚靚絲帶包住嫁，但小妹好暴力拉開完唔識包番影相俾大家睇～～So Sad！）
打開入面全部都係正裝產品，真係開心到嘩一聲呀！事不宜遲啦！一於睇下有邊D產品啦！
第一樣為大家介紹嘅係éPure水凝彈性冰晶膜～～
依件產品真係大讚呀！事原係小妹假期時去左一個好近赤道嘅地方旅行，玩完返HK D皮膚真係Dry到冇朋友呀！見到éPure Jelly Mask話可以瞬間補充水分高達30-50%，當然要即刻試啦！
原來冰晶膜係由權威美國醫學美容醫生 Dr. Yulong Moy 首創，係市面上第一種採用活性細胞因子配方的面膜，比一般面膜多70%保濕因子，可以有效迫使毛孔完全吸收面膜內珍貴養分，並同時排出毛孔內雜質，亦能美白、抑制黑色素形成、淡化色斑及解決膚色不均勻等問題，讓肌膚淨白無瑕，水嫩緊緻有活力。
用法都好簡單，潔臉及以爽膚水打底後，用挖棒將冰晶膜均勻厚敷於面上和頸部3-5毫米。20-30分鐘後用挖棒輕輕刮掉，再用清水完全洗淨。
小妹有D貪心，敷左冰晶膜差不多1個小時，敷緊時真係見到有D白頭推左出黎係D Jelly入面，而用棒棒挖時就連D黑頭都推左出黎～
雖然未至於全部黑頭無曬，但黑頭數目真係少左好多，而且面部好似真係補濕左不少，起碼唔會乾巴巴！小妹真係有D後悔唔帶去旅行！
第二樣同大家分享嘅係Jorubi蘆美蘆薈膠～～
小妹都係想大讚嘅，因為近排面上都出現左不少暗瘡（都係小妹貪吃之過啦，食左好多好多煎炸野），而依個蘆薈膠就真係幫小妹舒緩咗暗瘡泛紅情況～～
全透明嘅蘆薈膠就算小妹係公司搽都唔會俾同事發現，可以係公司做緊野時都舒緩皮膚不適，太好吧！
第三樣要介紹嘅就係LʻOREAL Professionnel HairChalk甜心粉紅色！
因為小妹以前都有染過頭髮，最後發現深色頭髮都係比較適合自己，但有時小妹都想可以有D變化，俾D新鮮感自己同朋友。Yeah！今次有依個HairChalk就可以達到小妹願望啦！
HairChalk採用革命性水性顏料與微纖維聚合能形成超薄軟膜，緊貼於頭髮纖維而不會沾污衣服。同時使用從化妝品中萃取的珠母色素，即使用於深髮色亦能凸顯繽紛效果。
尖形樽咀，唔怕會倒多左HAIRChalk會整多左啦！小小HAIRChalk就可以幫小妹上到highlight效果，so nice!
而且又方便又long lasting，小妹朝上出門口上，到party完返屋企都仲好shape。清洗方法好簡單，小妹用洗頭水洗兩三次d色就可以沖洗走。
依家出街想染咩色就咩色，so easy!
第四樣想介紹俾大家嘅係小妹近日最愛Premier by Dead Sea全效淨白嫩膚磨砂潔面啫喱！
小妹開頭見到係磨砂潔面啫喱都唔係特別喜歡，不竟小妹用過好多磨砂都搞到皮膚敏感同泛紅。
但今次依枝同過往用過個d好唔同，因為採用左天然活性成份，例如甘油，維生素E，銀杏葉萃取物等。可以清潔肌膚同時溫和去除老化角質，仲會激活肌膚添!
小妹覺得d磨砂粒子好幼細，用完之後皮膚好滑，D污糟野同角質都去除，最好就係小妹完全無敏感，就算隔日隔日用都唔會出現泛紅，大讚呀！
第五樣為大家介紹就係TefuTefu舒緩S塑型按摩油(蜂蜜野生薑)～
依條按摩油係舒緩同步收緊鬆弛肌膚的二合一特效按摩油，能有助提升肌膚細胞微循環系統，使肌膚更具光澤感、體型更吸引，更有軟化皮膚及有助寧神作用。配方蘊含葡萄籽油，為肌膚帶來滋養作用，並配合蜂蜜野生薑的獨特意大利情調香氣，增加按摩時官感上的享受。
小妹本身好喜歡按摩油個香味，因為小妹係個薑控，而且小妹覺得個按摩油好易就可以推開，好易就可以為自己按下。特別係小妹去完旅行返香港，好攰時按一按真係幫助鬆弛肌膚。
係冬天搓暖掌心先按，係另一種享受呀！SO Good！
最後一樣係3週年盒子嘅產品就係VDL Circle Mascara，小妹去Cambodia時都見到有佢地分店，但原來香港分店都係開咗一排咋～
依款Mascara有個巨型方睫毛刷，可以令睫毛液均勻地塗於睫毛上，並且不會產生結塊，令睫毛濃密同時根根分明。 睫毛液通過測試能防水及防油同時不會暈妝，濃密鬈曲的睫毛能長效持久。
小妹搽左係手再去沖水都冇沖走沖散，防水力Good！
原來產品利用眼睛顏色以加強睫毛液塗於睫毛上時眼妝的效果，塗上後令睫毛液更豐盈而且分明同時能向上捲曲，但又不會出現有結塊的情況，睫毛深長耀目。而睫毛液蘊含有高度保濕顆粒、水氧化物質和天然精華，能為睫毛保濕同時提供滋養。
搽上睫毛，睫毛真係根根分明，就算手殘嘅小妹都可以搽到。因為小妹無用睫毛夾習慣，所以都會好依賴Mascara令睫毛向上捲曲，依款Mascara都係令小好滿意嘅。
小妹仲發現用佢當眉Gel都不錯，因為小妹天生眉毛比較淡同疏，用左令小妹成個眼妝都好Shape，只要補小小BB Cream就可以出街，So Good！
成個盒子都只係＄333，好抵呀！只係Premier by Dead Sea全效淨白嫩膚磨砂潔面啫喱已經值回票值，加上每件產品係正裝同好用，買黎自用同送禮完全唔會失禮～
想知道多D關於Glamabox3週年盒子資料，可以Click入
http://hk.glamaclub.com/shop/glamabox/3rd-anniversary/
文章介紹為個人喜好發用後心得，不同人士各有喜好，膚質亦各有不同～
文中產品成分轉載自www.hk.glamaclub.com/glamabox
小妹仲有其他Blog，歡迎大家去睇～
留言列表
