Aprilchung的部落格

近日小妹係不同社交媒體見到好多朋友敷Mask，但佢地敷嘅都唔係普普通通嘅白紙面膜...而係有SNP多個不同造型嘅動物面膜！小妹都決定要試下，趁下熱鬧開個扮野Party～

原來SNP係韓國醫學美容護膚品牌，而近日佢哋就推出4款動物面膜系列＆京劇面膜。而依5款面膜都係採用雙層設計的紙漿織布，能長時間鎖住精華，能讓肌膚慢慢地把有效成分完全吸收，大大提升面膜效能。

每款面膜都蘊含各種天然成分，當中主要成分包括：椰子水－能增強肌膚抵禦外來刺激的能力，更有卓越的保濕及紓緩功效嘅椰子水！

每款Mask都係針對各樣肌膚問題，滿足多變的肌膚，而且造型得意，令敷Mask唔再單調！就等小妹一邊試一邊介紹俾大家啦！

未敷上面之前當然係要睇清楚說明啦！

清清楚楚嘅韓文同英文說明，而且圖文並茂對用家真係好User Friendly!!! 

 用法好簡單，只需潔面及爽膚後，將面膜先貼合眼部位置，然後再展開面膜緊貼全臉，待10至20分鐘後取下面膜，輕輕按摩至精華完全吸收，最後塗上面霜。 

包裝上仲要見Made in Korea字樣，用起黎好放心呀！

由於小妹近日皮膚比較敏感，所以見到敏感舒緩面膜，雙眼都不禁BlingBling～

依個以神龍為藍本嘅敏感舒緩面膜可以有效紓緩敏感肌膚，保護肌膚免受外界刺激，維持肌膚健康。特別適合敏感肌膚人士！

原來面膜除咗含有保濕、紓緩、增強肌膚免疫力嘅椰子水，仲蘊含迷迭香葉萃取，有助緊緻同修復受損肌膚。另加上黄芩萃取幫助紓緩及抗敏。

WoW！一打開Packing就見到好多精華，就算將已經滴緊精華嘅Mask拎開包裝內都仲有好多精華！塊Mask仲要好重手，真係多精華到可以搽身呀！

神龍外型嘅Mask都幾威武，面膜都算上係好貼面，唔會有多位置重疊。

敷緊時最好都係躺着，因為精華真係太多，如果坐着就好容易滴到頸上同衣服上。

敷完後面上本來泛紅嘅地方都有降紅，而且皮膚都Q彈咗！

由於小妹皮膚長期缺水，所以保濕水漾面膜都好吸引小妹，5款中就有兩其中兩款係保濕水漾面膜，首先有海獺保濕水漾面膜。

面膜同樣係有椰子水，再加上栗子皮萃取幫助收細毛孔，同有保濕及柔軟肌膚功能嘅玻尿酸，令海獺面膜可以有效為肌膚瞬間注入大量水分，使肌膚達至水油平衡狀態，時刻保持柔軟滑嫩，適合任何肌膚。

WoW！水獺造型好Cute呀！小妹媽媽就覺得小妹敷緊時好似叮噹，可能因為藍色嘅關係啦！

面膜都算上係好貼面，重疊位置不多。而敷緊時都係最好都係躺着，因為精華真係太多，如果坐着就好容易滴到頸上同衣服上。

敷完後皮膚明顯唔會乾巴巴，而且過咗大半小時T字位都唔會油光泛濫，相信係因為達至水油平衡狀態。

另一款保濕水漾面膜就係以京劇為造型嘅面膜。

佢成分＆功效同海獺保濕水漾面膜差不多...

同樣係有椰子水，再加上栗子皮萃取幫助收細毛孔，同有保濕及柔軟肌膚功能嘅玻尿酸，令海獺面膜可以有效為肌膚瞬間注入大量水分，使肌膚達至水油平衡狀態，時刻保持柔軟滑嫩，適合任何肌膚，但京劇會保濕能力再加強一點。

面膜造型係以包青天為藍本，額頭上有個月亮好特別呀！對比海獺面膜，京劇會比較再多精華，而且敷完面上好似光滑更多，水油平衡做得更好～

除保濕外，抗皺緊緻小妹同樣重視，以老虎為造型嘅老虎抗皺緊緻面膜就啱用！

老虎抗皺緊緻面膜有效滋潤乾燥肌膚，改善肌膚彈性，同時可減淡皺紋，令肌膚回復亮澤兼富生氣，特別適合乾性肌膚。

面膜同樣含有椰子水，更加入月見草油幫助抗衰老、加速傷口癒合，同時亦有腺苷有助抗皺

敷完感覺不錯！面上都會BlingBling左，但抗皺方面應該要日子有功先可以見效！

最後要介紹就係熊貓美白亮肌面膜！

熊貓面膜有效提亮、均勻膚色，更可改善色斑及肌膚暗啞問題，讓肌膚變得白淨通透。適合中性至乾性肌膚。

面膜除椰子水外還有有美白、預防暗瘡形成功效嘅楮樹根同可以美白、抗敏嘅煙醯胺。

熊貓都造型幾可愛！貼面程度都係一流，而精華份量雖然比其他較少，但還是剛剛好。

仔細睇雙層設計的紙漿織布，能長時間鎖住精華，讓肌膚慢慢地把有效成分完全吸收，就算超過時間都唔會感到俾面膜反抽乾面上水份，小妹真心讚！

而且敷咗呠多塊都唔會有顏色退到精華內情況，令小妹好放心！

每款SNP面膜都只係HK$24一片，係莎莎化粧品店獨家發售。

想知更多產品資料可以Click入--> http://www.sasa.com/ 

or 

https://www.facebook.com/sasahongkong