Aprilchung的部落格

秋天又到，乾燥易抽乾皮膚水份嘅天氣coming soon...小妹為咗唔會想Dry爆皮膚破壞心情，一般都會做定好多補濕Treatment。

而早排小妹就接觸一件好好用嘅鎖水產品。產品不單可以為皮膚鎖水，而且仲可以令皮膚彈力提升，變得緊緻飽滿。

講咗咁多好處到底產品係咩？！

就係Bb LABORATORIES嘅透明質酸‧彈力蛋白‧骨膠原原液。

小妹見到原液介紹嘅單張上面寫住透明質酸可以鎖水、彈力蛋白就可以提升肌膚，而骨膠原原就令肌膚緊緻。

原來原液入面1克嘅透明質酸就能鎖住6公升水分，而保濕能力更加高達6000倍。肌膚將水分儲起先然後慢慢持續釋放，令肌膚日夜保持濕潤...化妝日子特別需要呀！

原液仲蘊含彈力蛋白，可以喚醒真皮彈性記憶體對抗因失去彈力蛋白而引致的下垂情況，令肌膚回復年輕亮澤有彈性。 

而膠原蛋白能支撐細胞結構主要元素，為肌膚提升支撐力，撫平皺紋，回復飽滿。

打開入面就見到4枝原液同瓶蓋整齊排列，好似向小妹招手一樣呀！

每枝原激都係5ml，好似好細枝咁，但用起來其實好多，一枝大約可以用上一星期...

當然因為原液內不含防腐劑，所以打開後最好一星期左右就要用完。

因為一枝可以用好多次嘅關係，所以都會有個方便封口嘅密封蓋!!!

個密封蓋其實用法好簡單...大家去片睇下~

https://youtu.be/QJ99LQ0tyBE

幾秒就可以整好，So easy!!!

整好枝原液就緊係要試下用啦！

打開輕輕就可以倒出原液，透明嘅原液呀！

再係手上一試感覺，一下就輕易推開同被肌膚吸收。

推開後感覺好清爽，完成唔會有精華原液搽完後黏笠笠嘅感覺。

而且仲好似有注入水份漲卜卜嘅感覺，太舒服啦！

上面個份量已經足夠均勻搽滿成面同頸啦！

洗完面後小妹就馬上係臉上、額頭同下巴等較易缺水位置搽上，再用掌心微溫輕按。

塗完後可以感覺到肌膚注滿水份，水潤感覺很強。

特別係化妝前用就可以令妝容Keep到好耐。

小妹已經用完一整枝，感覺皮膚彈力提升，肌膚漲卜卜，連D細紋(特別係額頭位)都減淡咗。

仲有個Tips，係女士每月嗰幾日搽效果更加明顯，晚上搽後起身第二日肌膚Keep到水潤感覺。